Biz barada

Halkara söwda işinde daşalýan ýükler bilen amallary geçirmek we olary saklamak hyzmatlaryny etmek boýunça 2014-nji ýylda Türkmenistanyň Döwlet gümrük gullugynyň ýanyndaky Hojalyk dolandyryş direksiýasy döredildi. Direksiýany esaslandyryjy Türkmenistanyň Döwlet gümrük gullugy bolup durýar.

Direksiýa edara görnüşindäki tarap bolmak bilen doly hojalyk hasaplaşygy we öz-özüni maliýeleşdirmek ýörelgelerinde işleýär. Direksiýa hojalyk işiniň çäklerinde beýleki kärhanalar, guramalar we fiziki şahslar bilen ýüze çykýan gatnaşyklary şertnamalaryň esasynda amala aşyrýar.

Gury portlaryň işini dolandyrmak, ýükler bilen amallary geçirmek, olary saklamak we gaýtadan ýüklemek boýunça hyzmatlary etmek, daşary ykdysady işine gatnaşyjylar tarapyndan amala aşyrylýan işler üçin amatly şertleri döretmek Direksiýanyň esasy wezipeleri bolup durýar.

Direksiýanyň ösüş maksatnamasy gury portlaryň infrastrukturalarynyň ösdürilmegine, Türkmenistanyň üstaşyr-ulag geçelgeleriniň özüne çekijiligini ýokarlandyrmaga, Türkmenistanyň çäginde halkara, şol sanda üstaşyr ýük daşamalarynyň möçberleriniň artdyrylmagyna we daşalýan ýüklere edilýän hyzmatlaryň hiliniň ýokarlandyrylmagyna gönükdirilendir.

Direksiýa ähli gyzyklanma bildirýän taraplara ýükler bilen amallary geçirmek we olary wagtlaýyn saklanylýan ammarlarda we gümrük ammarlarynda saklamak boýunça öz hyzmatlaryny teklip edýär.

Eger-de Sizde Direksiýanyň alyp barýan işi boýunça islendik sorag ýa-da gury portlarynyň işini mundan beýläk hem kämilleşdirmek boýunça teklipleriňiz bar bolsa, Size amatly bolan usul arkaly biz bilen habarlaşyp bilersiňiz.